Pitih Ganti Rugi Jalan Tol Diampai “Udang Bariang”

Pitih Ganti Rugi Jalan Tol Diampai “Udang Bariang”



Tukang sadang mangarajoan jalan tol Padang Pakanbaru seksi Padang – Sicincin. (ist)

Padang, Pionir—Antah dek talampau cadiak atau dek talalu tamak sarato engak, tanyato adoh juo urang nan tega maampai pitih ganti rugi kauntuak pambebasan lahan seksi Padang - Sicincin.

Manuruik data, seksi Padang-Sicincin ko marupoan bagian dari Jalan Tol Padang - Pakanbaru sapanjang 255 kilometer. Pambangunannyo tabagi ateh anam seksi. 

Saroman nan kito katahui basamo, salain Padang - Sicincin, ado juo seksi Sicincin - 2 Bukittinggi, Bukittinggi - Payakumbuh, Payakumbuh - Pangkalan, Pangkalan – Bangkinang saratoBangkinang - Pekanbaru.

Tapi jalan seksi Padang – Sicincin ko lamo takatuang katuang bantuak urang digantuang indak batali, karano takendala anggaran ganti rugi.

Dari data nan mangamuko, masih ado sakitar 19 persen lahan lai nan masih menunggu pambayaran ganti rugi. Akianyo, kerbatasan lahan tu mambuek pengerjaan seksi sapanjang 36,6 kilometer tu tasendek sarato taancam indak balanjuik.

Mancaliak kanyataan tu tantu pihak panagak hukum basianiang sajo doh. Pihak kajaksaan pun mulai mamareso urang-urang (kalau tibo di buluah urang ko buluah batuang mah, samantaro bilo tibo di udang, urang ko udang bariang mah) nan basangkuik pauik jo urusan ko.

Saroman alah ditanuangkan, akianyo Kajaksaan Tinggi (Kejati) Sumatera Barat (Sumbar) manatapkan tersangka dugaan korupsi kepeng ganti ganti rugi lahan tol Padang - Pekanbaru seksi Padang – Sicincin ko.

Indak tangguang-tangguang doh, urang nan diibaraikan buluah batuang sarato udang bariang tu jumlahnyo indak singaik banyaknyo doh, nan jaleh sajo tersangkanyo mancapai 13 urang. Panetapan para tersangka nan salain dibaraikan buluah batuang sarato bak cando udang bariang tu, diakui dek Asisten Intelijen Kejati Sumbar, Mustaqpirin, dalam konferensi pers, Jumaik (29/10/2021).

“Kami menetapkan 13 orang sebagai tersangka dalam kasus ini. Para tersangka itu terdiri dari warga penerima uang ganti rugi yang berinisial BK, MR, SP, KD, AH, SY, RF, dan SA. Kemudian ada juga aparatur pemerintahan daerah, apatur pemerintahan nagari, serta dari pihak Badan Pertanahan Nasional (BPN) yang masuk daftar tersangka. Tiga belas tersangka itu diproses dalam sebelas berkas terpisah,” kecek angku Mustaqpirin ko manjalehan.

Kecek liau ko manambahan, sabalunnyo Kejati Sumbar alah mamereso 60 urang sabagai saksi dalam dugaan panyimpangan pitih ganti rugi lahan jalan Tol Padang – Sicincin nan balokasi di Taman Keanekaragaman Hayati (Kehati), Kabupaten Padang Pariaman.

“Penyidikan kasus ini dilakukan Kejati Sumbar setelah sebelumnya dilakukan penyelidikan oleh Kajari Padang Pariaman. Penyidikan kemudian ditangani Kajati Sumbar per tanggal 22 Juni 2021,” kecek liau ko mangabakan.

Dari 13 urang nan ditatapkan tu kecek angku Mustaqpirin manambahan, 6 tersangka marupoan aparatur pamarintahan nan diibaraikan dek urang rami bak cando buluah batuang sarato udang bariang.

“Tersangka dengan inisial SS dan SA merupakan aparatur pemerintahan nagari, YW aparatur pemerintah di Pariaman, dan J, RN, serta US dari Badan Pertanahan Nasional (BPN). Sedangkan 7 tersangka lainnya dengan inisial BK, MR, SP, KD, AH, SY, dan RF adalah warga penerima ganti rugi lahan,” kecek Mustaqpirin ka wartawan.

Liau ko manjalehan, para tersangka ko diduga alah mahampai atau mangorupsi kepeng ganti rugi lahan nan kanai dek pambangunan jalan tol di taman Keanekaragaman Hayati (Kehati) di Paritmalintang, Kabupaten Padang Pariaman nan bastatus aset daerah.

Samentaro tu Kapalo Seksi Pidana Khusus, Suyanto manjalehan baso dari paritungan samantaro pakaro tu alah marugikan kepeng-kepeng negara mancapai jumlah Rp28 miliar.
“Kerugian itu muncul karena diduga uang pembayaran ganti rugi lahan tol yang telah digelontorkan oleh negara diklaim secara melawan hukum oleh orang yang tidak berhak sebagai penerima ganti rugi,” kecek Suyanto.

Liau ko mangecekan, pakaro ko bamulo katiko adonyo proyek pambangun tol Padang - Sicincin pado tahun 2020, dimano negara alah manyadiokan pitih sabagai ganti rugi kauntuak lahan nan kanai dek pambangunan jalan tol tu.

“Salah satu lahan yang terdampak adalah taman Keanekaragaman Hayati (Kehati) di Paritmalintang, Kabupaten Padang Pariaman, dimana uang ganti rugi diterima oleh orang per orang. Setelah diusut lebih lanjut oleh Kejaksaan ternyata diketahui bahwa taman Kehati statusnya masuk dalam aset daerah dan tercatat pada bidang aset Badan Pengelolaan Keuangan Daerah Padang Pariaman,” kecek liau ko. (Febriansyah Fahlevi/Firman Sikumbang)

Post a Comment

0 Comments