Awak Punyo Cewek, Rang Lain Nan Mandapek
(Doc. Ilustrasi)Bukittinggi, Pionir—Awak nan punyo cewek, kawan nan mandapek. Co itu bana nasib nan dialami dek anak jolong gadang bainisial MS (19 tahun). Carito malang nan manimpo dirinyo tu bamulo katiko liau ko pai kemping jo ceweknyo nan bainisial S (18 tahun) ka Area Kemping Lantai Satu Batu Palano, Kecamatan Sungai Pua, Kabupaten Agam.
Kajadian aneh tapi nyato ko diakui dek Kapolres Bukik Tinggi AKBP Dody Prawiranegara, SH, SIK, MH nan didampingi dek Kapalo Unit Tiga Perlindungan Perempuan dan Anak (PPA), Aipda Amelia Chandra.
Dody nan ditamui hari Rabu pagi (2/9/2021) mangecekan baso kisah mamilukan sakaligus mamalukan tu tajadi di akia bulan Agustus 2021.
"Kejadian tersebut terjadi pada Sabtu 28 Agustus 2021 malam dan kemudian dilaporkan oleh korban hingga pelaku berhasil ditangkap Senin malam," kecek Kapolres ganteng ko manjalehan.
Dikecekan dek Kapolres nan marupoan anak kanduang mantan Kapolda Riau ko, palaku bainisial R (24 tahun) anak rang X Koto Tanah Datar.
"Pelaku mengancam kedua korban (pasangan kekasih) itu dengan sebuah samurai, kemudian melakukan tindakan cabul serta dugaan perkosaan kepada korban wanita sekitar jam 23.00 WIB," kecek liau manarangkan.
Selain malakukan tindakan asusila ka nak padusi bainisial S tu, palaku sudah tu mangompas pacarnyo inisial MS sabanyak Rp250 ribu.
"Korban terpaksa memenuhi keinginan pelaku karena diancam, sementara pasangan prianya disuruh pergi membeli rokok ke luar area kemping," kata dia.
Kajadian tu akianyo diketahui dek warga satampat dek pangaduan katiko handak maninggaaan area kemping tu hari Minggu (29/8/2021) pagi.
"Namun setelah korban melaporkan kejadian ke Polres Bukittinggi, warga dan pemuda Batu Palano telah berhasil menemukan pelaku, dan ditangkap dan diantarkan ke Polres Bukittinggi bersama Petugas Kepolisian di daerah itu. Pelaku terancam hukuman di atas lima tahun penjara karena melanggar pasal 285 KUHP tentang pemerkosaan,” kecek Dody. (Firman Sikumbang)
0 Comments